ພິທີເຊັນບົດບັນທຶກການຮ່ວມມື ລະຫວ່າງ ມູນນິທິ ກອງທຶນເດັກເພສຕາໂລຊີ (PCF) ຂອງປະເທດເຊີວິດເຊີແລນ ແລະ ວິທະຍາໄລຄູ ດົງຄຳຊ້າງ.
Posted by Bountai
ຕອນເຊົ້າຂອງວັນທີ 25 ມີນາ 2015 ຜ່ານມານີ້ ຢູ່ທີ່ຫ້ອງປະຊຸມຂອງວິທະຍາໄລຄູ ດົງຄຳຊ້າງ ໄດ້ມີພິທີເຊັນບົດບັນທຶກການຮ່ວມມື ລະຫວ່າງ ມູນນິທິ ກອງທຶນເດັກເພສຕາໂລຊີ (PCF) ຂອງປະເທດເຊີວິດເຊີແລນ ແລະ ວິທະຍາໄລຄູ ດົງຄຳຊ້າງ.
ເປັນກຽດເຂົ້າຮ່ວມໃນກອງປະຊຸມຄັ້ງນີ້ມີທ່ານ ວິໃສ ພອນແກ້ວ ຮອງຫົວໜ້າຫ້ອງການກະຊວງສຶກສາທິການ ແລະກິລາ, ທ່ານ ຄຳພັດ ເພັດລາສີ ຮອງຫົວໜ້າກົມພົວພັນຕ່າງປະເທດ ກະຊວງສຶກສາທິການ ແລະ ກິລາ, ທ່ານ ຄຳໃບ ຄຳສີ ຫົວໜ້າພະແນກສ້າງຄູ ກົມສ້າງຄູ ກະຊວງສຶກສາທິການ ແລະ ກິລາ, ທ່ານ ນາງ ບີກຼີດ ເບີກາດ ຜູ້ອຳນວຍການຮັບຜິດຊອບອົງການ PCF, ທ່ານ ອຸ່ນຄຳ ສຸກສະຫວັນ ຜູ້ຕາງໜ້າເຈົ້າຂອງທຶກ PCF,ທ່ານ ລັ່ງ ແສງດາລາ ຮອງປະທານສະມະຄົມພັດທະນາທັກສະຊີວິດ (LSDA), ທ່ານ ນາງ ວິລາ ແສງສະຫວ່າງ ຜູ້ອຳນວຍການ ວິທະຍາໄລຄູ ດົງຄຳຊ້າງ ພ້ອມດ້ວຍຄະນະ ແລະ ນັກວິຊາການອີກຈຳນວນໜຶ່ງ.
ໃນພິທີເຊັນບົດບັນທຶກການຮ່ວມມືໃນຄັ້ງນີ້ຕ່າງໜ້າທັງ 2 ຝ່າຍໄດ້ສະເໜີກ່ຽວກັບປະຫວັດຄວາມເປັນມາຂອງທັງ 2 ຝ່າຍ ທ່ານ ນາງ ບີກຼີດ ເບີກາດ ຜູ້ອຳນວຍການຮັບຜິດຊອບອົງການ PCF ໄດ້ສະເໜີກ່ຽວກັບປະຫວັດຄວາມເປັນຂອງໂຄງການ ແລະ ທ່ານ ນາງ ວິລາ ແສງສະຫວ່າງ ຜູ້ອຳນວຍການ ວິທະຍາໄລຄູ ດົງຄຳຊ້າງ ກໍ່ໄດ້ສະເໜີກ່ຽວກັບປະຫວັດຄວາມເປັນມາຂອງວິທະຍາໄລຄູ.
ພາບ, ຂ່າວ ແລະ ເຕັກນິກໂດຍ: ແກ້ວມຸກດາ ຂັດຕິຍະວົງ.
